Kurułtaj krymskatatarskaha naroda, jaki sabraŭsia na pazačarhovuju siesiju ŭ Bachčysarai, pryniaŭ pastanovu ab stvareńni nacyjanalna-terytaryjalnaj aŭtanomii. 212 delehataŭ kurułtaja z 217 zarehistravanych u zale pryniali pastanovu «Ab realizacyi krymskatatarskim narodam prava na samavyznačeńnie na svajoj histaryčnaj terytoryi ŭ Krymie».
«Abviaścić ab pačatku palityčnych i pravavych pracedur adnosna stvareńnia nacyjanalna-terytaryjalnaj aŭtanomii krymskatatarskaha naroda na jaho histaryčnaj radzimie — u Krymie. Daručyć miedžlisa krymskatatarskaha naroda ŭvajści ŭ adnosiny ź mižnarodnymi arhanizacyjami — AAN, Radaj Jeŭropy, ES, ABSIE, AIS (arhanizacyja isłamskaha supracoŭnictva), parłamientami i ŭradami dziaržaŭ pa ŭsich pytańniach zabieśpiačeńnia prava krymskatatarskaha naroda na samavyznačeńnie ŭ formie nacyjanalna-terytaryjalnaj aŭtanomii na jaho histaryčnaj radzimie», — havorycca ŭ pastanovie.
Taksama kurułtaj źviarnuŭsia ŭ AAN, Radu Jeŭropy, ES, ABSIE, AIS, da narodaŭ, parłamientaŭ i ŭradaŭ dziaržaŭ z zaklikam padtrymać prava krymskatatarskaha naroda na samavyznačeńnie ŭ formie nacyjanalna-terytaryjalnaj aŭtanomii na jaho histaryčnaj radzimie — u Krymie».
Kurułtaj u Biechčysarai adbyŭsia 29 sakavika.
