fota Vadzima Zamiroŭskaha, Tut.by
Były hałoŭny architektar Minska Mikałaj Ułasiuk raspavioŭ TUT.BY, što 20 žniŭnia napisaŭ zajavu ab zvalnieńni. Staršynia Minharvykankama Mikałaj Ładućka jaje padpisaŭ. Z 21 žniŭnia abaviazki staršyni kamiteta architektury i horadabudaŭnictva Minharvykankama vykonvaje pieršy namieśnik Uładzimir Kuršyn.
Kali staršynia Bresckaha harvykankama Alaksandr Pałyšenkaŭ prapanavaŭ Ułasiuku zaniać vakantnuju pasadu hałoŭnaha architektara abłasnoha centra, jon pahadziŭsia: kaža, što dobra viedaje horad i jaho prablemy. Akramia taho, ułasnaha žylla ŭ Minsku va Ułasiuka niama.
Pakul nieviadoma, chto zojmie pasadu hałoŭnaha architektara stalicy.
Mikałaj Ułasiuk prapanavaŭ na razhlad staršyni Minharvykankama dźvie kandydatury, admoviŭšysia nazvać ich imiony. Pry hetym prapanavaŭ padzialić administracyjnyja funkcyi staršyni kamiteta architektury i horadabudaŭnictva Minharvykankama z funkcyjami hałoŭnaha architektara horada.
Surazmoŭca krytykuje siabie jak hałoŭnaha architektara za, mahčyma, niedastatkova zładžanuju pracu pa ŭzajemadziejańni horada i kamiteta, ličačy siabie «ŭ bolšaj stupieni tvorčym čałaviekam, čym administrataram»:
Svajoj zasłuhaj na pasadzie hałoŭnaha architektara jon ličyć novyja padychody, jakija ŭklučyli ŭ prajekt hienieralnaha płana stalicy. (Jaho pradstaviać Łukašenku ŭ kancy hetaha hoda).
Płan prapanuje pierahledzieć funkcyi spalnych rajonaŭ. Siońnia žychary mikrarajonaŭ nie zaŭsiody mohuć znajści pracu abo adpačyć pobač z domam. Jany vymušanyja jeździć u centr. Z-za hetaha ŭ tym liku ŭzrastaje nahruzka na hramadski transpart. Novy płan dazvalaje nasycić «spalniki» ŭstanovami, pradpryjemstvami i miescami, jakich nie chapaje miascovym žycharam.
