U Minsku ŭ rajonie vulicy Jeŭfrasińni Połackaj u vyniku DTZ pierakuliłasia maršrutka.
Pra heta paviedamiła pres-aficer DAI Frunzienskaha rajona stalicy Alena Vołčak.
«Siońnia ŭ 9.30 na vulicy Jeŭfrasińni Połackaj kiroŭca lehkavoha aŭtamabila KIA, ruchajučysia z boku vulicy Prytyckaha ŭ napramku Adojeŭskaha, pavodle papiarednich źviestak, nie sastupiŭ darohu maršrutcy HAZ №1134 «Akademija navuk — Malinaŭka».
U vyniku sutyknieńnia maršrutku padkinuła ŭvierch, jana pierakuliłasia i ŭpała na Fiat, jakim kiravała 35-hadovaja hramadzianka», — skazała Alona Vołčak.
U DAI adznačyli, što ŭ DTZ paciarpieli troje pasažyraŭ maršrutki — dźvie žančyny i mužčyna. «Z traŭmami roznaj stupieni ciažkaści jany dastaŭleny ŭ miedustanovy», — dadała pres-aficer.
0
0
0
0
0
0