Niadaŭna Ministerstva kultury Litvy apublikavała infarmacyju pra toje, što ŭ adnoj ź biezymiannych mahiłaŭ, znojdzienych archieołahami sioleta paśla apoŭźnia na hary Hiedymina ŭ Vilni, byŭ znojdzieny artefakt, jaki dazvalaje z dolaj dakładnaści identyfikavać pareštki adnaho z hierojaŭ paŭstańnia 1863 — Zyhmunta Sierakoŭskaha.
Heta piarścionak z nadpisam «Zygmund Apoloniya 11 Sierpnia / 30 Lipca 1862 r.».
Delfi.lt publikuje jaho fota.
Piarścionak byŭ znojdzieny ŭ mahile mužčyny. Jaho pachavali asobna ad inšych (astatnija znojdzienyja mahiły — brackija).
Ruki jaho, jak bačna z fota, byli źviazanyja za śpinaj.
Zyhmunt Sierakoŭski byŭ adnym z kiraŭnikoŭ paŭstańnia ŭ 1863-64 hh. U karotkim časie jon sabraŭ bujny atrad z 5 tysiač čałaviek, ale ŭ bai byŭ raźbity ŭradavymi vojskami. Sud prysudziŭ jamu śmiarotnaje pakarańnie praz paviešańnie. Sierakoŭski byŭ pakarany ŭ 1863 hodzie ŭ Vilni na Łukišskim placy.
Jaho žonkaj była Apałonija z Daleŭskich — siastra paŭstancaŭ i «pieršaja pryhažunia na Litvie», jak jaje nazyvali.
Ich šlub adbyŭsia ŭ Kiejdanach (ciapier Kiejdaniaj, Litva) 30 lipienia (11 žniŭnia pavodle novaha stylu) 1862. Imia i data supadajuć z paznačanymi na piarścionku.
U mahiłach byli znojdzienyja rečy, jakija dazvalajuć adnieści pachavańni da druhoj pałovy XIX stahodździa. Tady na hary Hiedymina mieściŭsia rasijski harnizon, i pakaranych śmierciu paŭstancaŭ chavali tam, kab ich mahiły nie stali miescam pakłanieńnia.
Čytajcie taksama:
Znojdzienyja pareštki Zyhmunta Sierakoŭskaha? Pra heta śviedčyć piarścionak
