Vizit u Minsk dyrektara departamienta Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešnich dziejańniaŭ Hunara Vihanda naŭrad ci paciahnie za saboj vyzvaleńnie palitviaźniaŭ, miarkujuć analityki.
Pra vizit Vihanda ŭ Minsk paviedamiła viečaram 17 śniežnia
Jak paviedamili ŭ biełaruskim pradstaŭnictvie ES, Vihand prybyŭ u Minsk u paniadziełak.
Siońnia jaho vizit zaviaršajecca, adnak zaraz jeŭračynoŭnik usio jašče znachodzicca ŭ Minsku.Jakich-niebudź paviedamleńniaŭ pa vynikach jaho vizitu rabić nie płanujecca.
Palityčny ahladalnik Raman Jakaŭleŭski miarkuje, što sam pa sabie fakt sustrečy Makieja ź Vihandam «možna ličyć pazityŭnym». «Heta aznačaje, što baki šukajuć šlachi vyrašeńnia nienarmalnaj situacyi, jakaja skłałasia pa viadomaj pryčynie — 19 śniežnia 2010 hoda i ŭsie padziei, źviazanyja z hetaj dataj», — zaznačyŭ Jakaŭleŭski.
Na jaho dumku, padčas pieramoŭ, chutčej za ŭsio, abmiarkoŭvaŭsia nievyjazny status Makieja.«Makiej
Adnakjakich-niebudź prykmietaŭ taho, što aficyjny Minsk hatovy iści na ŭstupki Brusielu, Jakaŭleŭski pakul nie bačyć.
«Vizit Vihanda moža śviedčyć pra toje, što tema palitźniavolenych nie źniata z paradku dnia Jeŭrasajuza, — skazaŭ jon. — Ale ci buduć vyzvaleny palitźniavolenyja i vykanany druhi punkt u hetych patrabavańniach Jeŭrasajuza — poŭnaja reabilitacyja palitźniavolenych? Ja hladžu na heta sa skieptycyzmam. Nam viadoma pra toje, što ŭmovy ŭtrymańnia Mikałaja Statkieviča, Mikałaja Aŭtuchoviča, Dźmitryja Daškieviča stali bolš žorstkimi, i padstaŭ dla aptymizmu heta infarmacyja nie dadaje».
Na dumku analityka, pytańnie pra palitźniavolenych Makiej i Vihand abmiarkoŭvać mahli.
«Ale naŭrad ci ad hetaha štości źmienicca, pakolki ŭsio ŭ nas vyrašaje adzin čałaviek, a ŭ jaho siońnia — adno, zaŭtra — druhoje», — dadaŭ palityčny ahladalnik.
U svaju čarhu, palitołah Valeryj Karbalevič rasceńvaje pieramovy jeŭračynoŭnika z Makiejem jak «dastatkova rucinnuju» padzieju.
«Niejkija kantakty na nizkim uzroŭni viaducca pastajannyja, kamunikacyi adbyvajucca pastajanna. Ja nie baču ničoha siensacyjnaha ŭ tym, što čynoŭnik Jeŭrasajuza, jaki adkazvaje za hety rehijon, jeździć i razmaŭlaje», — zaznačyŭ jon.
Zruchaŭ u adnosinach Brusiela i aficyjnaha Minska ad vizitu Vihanda palitołah nie čakaje. «Baki žorstka prytrymlivajucca svaich pazicyj, i nie źbirajucca ad ich admaŭlacca. Jeŭropa nastojvaje na vyzvaleńni palitźniavolenych jak na ŭmovie dla pačatku dyjałohu. Alaksandr Łukašenka, miarkujučy pa jaho apošnich vykazvańniach, taksama zajmaje žorstkuju pazicyju i admaŭlacca ad jaje nie źbirajecca», — kanstatavaŭ Karbalevič.
Na dumku palitołaha, «adzinaje, što mahli abmiarkoŭvać Vihand i Makiej, heta toje, što tyčycca samoha Makieja — vyklučeńnie jaho sa śpisa nieŭjaznych u Jeŭrasajuz».
Varta zaznačyć, što Hunar Vihand naviedvaŭ Biełaruś 8–10 lutaha hetaha hoda. Jon sustrakaŭsia ź Siarhiejem Martynavym, jaki tady ŭznačalvaŭ MZS, pravaabaroncami, svajakami palitźniavolenych i pradstaŭnikami jeŭrapiejskaha dypkorpusa.
U kancy lutaha pamiž Minskam i Brusielem zdaryŭsia dypłamatyčny skandał, pryčynaj dla jakoha stała rašeńnie Savieta ministraŭ ES ab pašyreńni vizavych i ekanamičnych sankcyj u dačynieńni da Biełarusi.
U adkaz na heta biełaruskija ŭłady rekamiendavali kiraŭniku pradstaŭnictva ES i pasłu Polščy pakinuć Minsk. U znak salidarnaści z kalehami ź Biełarusi tady pajechali ŭsie jeŭrapiejskija pasły. 14 i 15 krasavika na padstavie ŭkazaŭ kiraŭnika dziaržavy ab pamiłavańni na volu vyjšli Andrej Sańnikaŭ i Dźmitryj Bandarenka. U kancy krasavika jeŭrapiejskija pasły viarnulisia ŭ Minsk.
U pačatku červienia Minsk pa inicyjatyvie jeŭrapiejskaha boku naviedali dva supracoŭniki słužby źniešniepalityčnaj dziejnaści ES. Jany sustrelisia z pradstaŭnikom MZS, aktyvistami hramadzianskaj supolnaści i apazicyi.
Praz tydzień paśla ich vizitu Hunar Vihand zajaviŭ, što śpis aficyjnych pradstaŭnikoŭ Biełarusi, u dačynieńni da jakich dziejničajuć sankcyi ES, moža być pašyrany ŭ čarhovy raz. «Vyzvaleńnie dvuch palityčnych źniavolenych (Sańnikava i Bandarenki. — BiełaPAN.) nie pieraviało miač na bok ES. Miač zastajecca ŭ Minsku. My, chutčej za ŭsio, možam pašyryć kolkaść asob, u dačynieńni da jakich dziejničaje zabarona na ŭjezd», — skazaŭ Vihand.