Matč prachodziŭ pry pustych trybunach, ale fanaty ŭsio adno zmudrylisia zakinuć fajer na pole.
U takich dziŭnych dekaracyjach BATE hulać jašče ŭ jeŭrakubkach nie davodziłasia. UEFA pakarała turecki kłub za bujny noraŭ fanataŭ. Tamu hulnia 1/16 futbolnaj Lihi Jeŭropy prachodziła pry pustych trybunach.
Tym nie mienš, fanaty ŭsio adno pra siabie nahadali. U pačatku druhoha tajma na stadyjon zalacieła dymavucha. Vidać, i na nastupny chatni matč svajoj kamandy fany «Fienierbachče» nie chočuć.Jak i ŭ pieršaj hulni, hałoŭnaj fihuraj na poli byŭ sudździa. Francuz Haćje ź pieršych chvilin staŭ razdavać papiaredžańni biełarusam. A na
Uvieś astatak pieršaha tajma BATE hulaŭ na adboj. Andrej Harbunoŭ miescami znoŭ nahadaŭ, čamu jaho kličuć «Čak Norys». Praŭda, sam varatar i pryvioz hoł. U situacyi, kali z napadajučym moh razabracca i Filipienka, Harbunoŭ pakinuŭ varoty i źbiŭ hulca «Fienierbachče». Pienalci stopracentavy.
Krystyjan Baroni ŭdaryŭ kiepska, ale hoł zabiŭ. Heta było ŭžo ŭ kampiensavany čas pieršaha tajma. Stała jasna, što paślamatčavych pienalci ŭžo nie budzie. Tamu BATE nie zastavałasia ničoha jak brać inicyjatyvu.I ŭžo na pieršych chvilinach druhoha tajma Filip Rudzik upuściŭ cudoŭny momant. A praź niekalki chvilin biełarusaŭ prabačyŭ užo Baroni, kali z zabojnaj pazicyi trapiŭ u pierakładzinu.
Čarhovy raz za hetuju zimu prajaviłasia słabaść barysaŭskaj ataki. Z češskaj «Viktoryjaj» u nastupnym raŭndzie zhulaje «Fienierbachče».