Mitrapalit Minski i Słucki Pavieł, Patryjaršy Ekzarch usiaje Biełarusi aśviaciŭ siońnia ŭ Mahilovie novy chram i sustreŭsia z kiraŭnictvam Mahilova i Mahiloŭskaj vobłaści, paviedamlaje BiełTA.
Chram Śviatych Carskich pakutnikaŭ i ŭsich navamučanikaŭ i vyznaŭcaŭ Ruskaj pravasłaŭnaj carkvy XX stahodździa ŭźviedzieny ŭ parku Horkaha pobač ź miescam, dzie znachodziłasia Staŭka Viarchoŭnaha hałoŭnakamandujučaha ŭ hady Pieršaj suśvietnaj vajny. Sa žniŭnia 1915 pa listapad 1917 Staŭka źjaŭlałasia miescam znachodžańnia impieratara Mikałaja II. A 2 sakavika apošni rasijski impieratar adroksia ad tronu. I ŭžo nie jak manarch, a prosta pałkoŭnik Mikałaj Ramanaŭ pryjechaŭ u Mahiloŭ, kab raźvitacca sa štabam Staŭki i sustrecca sa svajoj maci Maryjaj Fiodaraŭnaj.
Budaŭnictva chrama było zavieršana ŭ 2013 hodzie. Tut viaducca słužby, dziejničaje niadzielnaja škoła, jość carkoŭnaja biblijateka.
Sioleta 9 studzienia tut adznačyli prastolnaje śviata, nabaženstva ŭznačalvaŭ jepiskap Mahiloŭski i Mścisłaŭski Safronij. Fota mogeparhia.by.
Na piarednim płanie — chramavaja ikona z vyjavaj carskaj siamji. Fota mogeparhia.by.
Chram-pomnik pieravažna budavali na achviaravańni viernikaŭ i sponsaraŭ. U ścienach zakładzienyja cahliny ź imionami fundataraŭ.
