Zapraŭka sietki «Słavniefť», na jakoj razdajuć stužki.
Atrymanyja stužki.
Jašče adno miesca, dzie da Dnia Pieramohi možna atrymać čorna-aranžavuju hieorhijeŭskuju stužku — zapraŭki «Słavniefť», jakija naležać kampanii «RN-Zapad». Siońnia akcyi «RN-Zapad» naležać rasijskaj dziaržaŭnaj kampanii «Rośniefť».
Pra toje, što na zapraŭkach «Słavniefť» razdajuć hieorhijeŭskija stužki, u paniadziełak paviedamiŭ čytač «NN».
Markietołah kampanii Aksana Šapilevič u paniadziełak paviedamiła žurnalistu «NN», što kampanija dałučyłasia da akcyi «Hieorhijeŭskaja stužka» z ułasnaj inicyjatyvy
«Heta simvał taho, što my hanarymsia podźviham tych, dziakujučy kamu žyviem u mirnaj krainie. My nie vydajem stužki ŭ abmien na pakupki, heta padarunak, jaki moža biaspłatna atrymać kožny čałaviek na našaj zapraŭcy. Stužki — nie dla stymulacyi čahości, heta — narodnaja tradycyja».
Adnak tady ž Šapilevič zaŭvažyła, što «stužki ŭžo razdadzienyja».
Jak vyśvietliłasia, stužki «RN-Zapad» razdała nie ŭsie. Žurnalist «NN» atrymaŭ hieorhijeŭskuju stužku na minskaj zapraŭcy «Słavniefť» pa adrasie zavułak Kazłova, 9.
Pry hetym stužki nie lažać navidavoku i ich adkryta nie prapanujuć. Adnak paprasiŭšy ŭ apieratara zapraŭki hieorhijeŭskuju stužku, žurnalist «NN» atrymaŭ adrazu vosiem štuk.
