U Vienie pryniata inicyjavanaja Biełaruśsiu rezalucyja «Papiaredžańnie i baraćba ź niezakonnym abarotam orhanaŭ i handlem ludźmi ŭ metach atrymańnia orhanaŭ». Dakumient padtrymany na 23-j siesii Kamisii AAN pa papiaredžańni złačynnaści i kryminalnym pravasudździ, paviedamili ŭ biełaruskim pasolstvie ŭ Aŭstryi.
U rezalucyi ŭpieršyniu ŭ ramkach kamisii pryciahvajecca ŭvaha mižnarodnaj supolnaści da nieabchodnaści analizu biahučaj situacyi i sučasnych tendencyj handlu orhanami jak novaha, atrymlivajučaha ŭsio bolš šyrokija maštaby złačynstva. Šyrokaja dyskusija, jakaja razharnułasia ŭ ramkach siesii pa hetym prajekcie rezalucyi, paćvierdziła važnaść i aktualnaść uźniataha Respublikaj Biełaruś pytańnia. Biełaruskaja inicyjatyva była aktyŭna padtrymana šeraham dziaržaŭ, jakija sutykajucca z prablemaj handlu čałaviečymi orhanami. Saaŭtarstva pa biełaruskaj rezalucyi aformili Rasija, ZŠA, Vieniesueła, Iran, Salvador, Saudaŭskaja Aravija, Sudan.
U adpaviednaści z rezalucyjaj Upraŭleńnie AAN pa narkotykach i złačynnaści praviadzie sumiesnuju rabotu ź inšymi kampietentnymi mižnarodnymi arhanizacyjami pa zbory i analizie danych ab handli orhanami, rezultaty jakoj buduć adlustravany ŭ adpaviednym dakładzie. Takim čynam, pryniaćcie biełaruskaj rezalucyi stała važnym etapam na šlachu da raspracoŭki i ŭdaskanaleńnia adpaviednych mižnarodnych i nacyjanalnych instrumientaŭ rehulavańnia hetaha vidu miedycynskaj dziejnaści ŭ metach niedapuščeńnia jaje nielehalnaha vykarystańnia.
