Fota Reuters/Scanpix
Litva ŭ aŭtorak vykazała svajo rasčaravańnie tym, što sankcyi ES nie pieraškodziać Francyi pradać Rasii vajennyja viertalotanoscy «Mistral».
Adnak inšyja abmiežavalnyja miery Litva nazvała krokam napierad u imknieńni prymusić Maskvu źmianić palityku ŭ dačynieńni da Ukrainy.
Na dumku prezidenta krainy Dali Hrybaŭskajcie, sankcyi nieabchodnyja, adnak paradkam spaźnilisia i niedastatkovyja.
«Ja aceńvaju novyja sankcyi ES jak krok napierad. Sankcyi nieabchodnyja, adnak paradkam spaźnilisia i niedastatkovyja. Jany nie pieraškodziać pradać «Mistrali» Rasii», — skazała prezident Litvy.
Pastajanny pradstaŭnik Litvy ŭ ES pasoł Rajmundas Karoblis, jaki braŭ udzieł u kansultacyjach pryznaŭ, što Litva vystupała za bolš žorstkija sankcyi.
«Z nahody embarha pryniali (rašeńnie) tolki ŭ dačynieńni da novych ździełak, jakija buduć zaklučanyja z momantu ŭstupleńnia hetaha rašeńnia ŭ siłu. Zrazumieła, što heta mienš za toje, na što Litva spadziavałasia, ale heta pieršaje rašeńnie, a nakont inšych pytańniaŭ, mabyć, i dalej buduć iści palityčnyja batalii, palityčnyja pracesy «, — skazaŭ jon.
Pavodle dypłamata, pasły krain ES taksama damovilisia pašyryć «čorny śpis» rasijskich čynoŭnikaŭ i kampanij, zabaranić inviestycyi ŭ važnyja siektary ekanomiki Kryma, prypynić handal akcyjami niekatorych rasijskich bankaŭ i abmiežavać handal niekatorymi technałohijami.