Kancept dyzajnu Galaxy S6. Vyjava: bgr.com
Infarmacyju vydańnie, jak śćviardžajecca, atrymała z ułasnych nadziejnych razam krynic z fota novaha smartfona Samsung, ale publikavać fota infarmatar zabaraniŭ. Niekatoryja nazvanyja charaktarystyki supadajuć z ahučanymi ŭ raniejšych «uciečkach».
Śćviardžajecca, što Samsung Galaxy S6 budzie mieć 64-bitny pracesar, što budzie napałovu chutčejšym za papiarednika. Pracesar vykanany pa 14-nm-techpracesie. Marka nie nazyvajecca, ale raniej chadzili čutki, što Samsung admovicca ad čypaŭ Qualcomm na karyść ułasnych Exynos praz prablemy ź pierahrevam pieršych.
Dyspłej navinki pavodle źviestak BGR budzie mieć dyjahanal 5,1 calaŭ i razroźnieńnie QuadHD (u Galaxy S5 5,1 calaŭ pry FullHD). Technałohija dyspłeja raniejšaja, SuperAMOLED. Vydańnie kaža ab vydatnaj bačnaści ŭ śvietły dzień i dobrym zaciamnieńni dla karystańnia ŭnočy.
Asnoŭnaja kamiera smartfona nibyta budzie mieć razroźnieńnie 20 Mp (u papiarednika 16 Mp), źjavicca aptyčnaja stabilizacyja vyjavy, frantalnaja — 5 Mp z režymam HDR u realnym časie.
Akumulatar budzie, jak śćviardžajecca, mieć jomistaść 2550 mAh (suprać 2800 u Galaxy S5), a smartfon budzie padtrymlivać chutkuju zaradku (10 źvilin u razietcy chopić na 4 hadziny žyćcia smartfona) i ŭbudavanuju biespravadnuju zaradku.
Śćviardžajecca, što technałohija apłaty smartfonam Samsung Pay budzie nie tolki padtrymlivać NFC, ale i nienazvanym šlacham spraŭlacca z 90% sučasnych płaciožnych terminałaŭ dla kartak.
Smartfon pavodle źviestak BGR vyjdzie ŭ korpusie ź mietału i škła, ekran budzie prykryty kalonym škłom Gorilla Glass 4. Buduć viersii z 32, 64 i 128 Hb unutranaj pamiaci. Kažuć i ab padtrymcy sietak LTE Cat 6.
Pavodle inšych čutak, smartfon budzie pradstaŭleny ŭžo ŭ lutym 2015 hoda.
