Letašni ŭładalnik trafeju «Miłan» nia byŭ padobny sam na siabie. Užo da siaredziny pieršaha tajmu vyznačyłasia terytaryjalnaja i hulniavaja pieravaha brytancaŭ. Hleb mieŭ šaniec zabić užo na šostaj chvilinie, ale nia trapiŭ u ramku.
Pry ŭsio nieasprečnaj pieravazie «Arsenał» doŭhi čas nia moh zabić. Adnak fartuna ŭsio ž uśmichnułasia londancam. Za šeść chvilinaŭ da finalnaha śvistka hišpaniec Siesk Fabrehas dalokim udaram trapiŭ u nižni kut bramy – 0:1. Darečy, u hetym momancie pieradaču Fabrehasu addaŭ mienavita Hleb. Užo ŭ dadatkovy čas Adebajor zamacavaŭ pieravahu «Arsenału» - 0:2.
***
Astatnija matčy ŭčorašniaha dnia prynieśli nastupnyja vyniki: «Sevilja» (Hišpanija) – «Fenerbachče» (Tureččyna) 3:2, pa penalci 2:3 (Pieršy matč – 2:3), «Mančester Junajted» (Anhlija) – «Lijon» (Francyja) 1:0 (pieršy matč – 1:1), «Barselona» (Hišpanija) – «Sełtyk» (Šatlandyja) 1:0 (pieršaja hulnia – 3:2).
Siońnia vyznačacca jašče try ŭdzielniki 1/4 finału Lihi čempijonaŭ. Matč Inter -- Liverpul projdzie 11 sakavika. Losavańnie čverćfinałaŭ i finałaŭ adbudziecca 14 sakavika.