Vosiem padletkaŭ uzrostam 13-15 hadoŭ zhareli ŭ łaźni na leciščy ŭ Chanty-Mansijskaj aŭtanomnaj akruzie Rasii.
Sihnał ab pažary ŭ dačnym pasiołku «Fieniks» pastupiŭ u noč na 6 śniežnia.
Jak stała viadoma, susiedzi zaŭvažyli pažar i vyklikali ratavalnikaŭ, jakija praź niekalki chvilin prybyli na miesca zdareńnia. Draŭlany budynak užo byŭ całkam achopleny ahniom. Praź niekatory čas adbyłosia abvalvańnie.
Padčas razboru zavałaŭ pažarnyja vyjavili abharełyja frahmienty ciełaŭ.
Jak atrymałasia ŭstalavać śledčym, u dačnym domiku adpačyvała kampanija padletkaŭ prykładna 14-16 hadoŭ. Chłopcy adznačali dzień naradžeńnia spačatku ŭ pasiołku, a paśla pieramiaścilisia na daču. Siarod zahinułych i imianińnica.
Lecišča naležyć miascovaj žycharcy, ciapier vyznačajecca, jakim čynam dzieci trapili na jaje dačny ŭčastak.
Pavodle papiaredniaj viersii, pryčynaj pažaru moh stać kavałak vuhalu, jaki vypaŭ ź piečki-buržujki.
