21 śniežnia ŭ sudzie Pieršamajskaha rajona Minska pavinna słuchacca administracyjnaja sprava aktyvista kampanii «Jeŭrapiejskaja Biełaruś» Leanida Kułakova.
Kułakoŭ abvinavačvajecca ŭ niesankcyjanavanym praviadzieńni pikietu 10 śniežnia — u Mižnarodny dzień abarony pravoŭ čałavieka, paviedamlajuć pravaabaroncy. Pra vystaŭlenaje jamu abvinavačvańnie i datu sudu aktyvist daviedaŭsia ad učastkovaha UUS Pieršamajskaha rajona, kudy jaho vyklikali 18 śniežnia.
10 śniežnia niekalki čałaviek, u tym liku minski taksist Leanid Kułakoŭ, praviali na bulvary Tałbuchina pikiet za admienu śmiarotnaha pakarańnia. Jany trymali płakat z nadpisam: «10 śniežnia — Dzień pravoŭ čałavieka! Žyćcio dadzienan Boham, a nie katam. Nie śmiarotnamu pakarańniu!».
Biełaruś — adzinaja ŭ Jeŭropie kraina, dzie dahetul prymianiajecca śmiarotnaje pakarańnie.
Čytajcie taksama: Leanid Kułakoŭ: taksist, jaki jeździć ź bieł-čyrvona-biełym ściaham
