Kala 75% bajcoŭ staličnaha atrada milicyi asablivaha pryznačeńnia — nie minčanie. 70% amapaŭcaŭ majuć vyšejšuju adukacyju, ceły ŭzvod — dziaŭčaty. Pra heta ŭ intervju časopisu «Śpiecnaz» raspavioŭ kamandzir AMAP HUUS Minharvykankama Dźmitryj Bałaba.
Fota sb.by
Pavodle jaho słoŭ, ciakučki kadraŭ u atradzie niama. «Redki čałaviek sychodzić, dy i pryčyny taho roznyja. Ciapier atrad ukamplektavany całkam», — adznačyŭ Bałaba. «Prablem z žyllom niama, — dadaŭ kamandzir. — Budujucca słužbovyja damy, taksama dapamahajem z arendaj kvater».
«Z vyšejšaj adukacyjaj u nas kala 70% bajcoŭ, — raspavioŭ Bałaba. — Ludzi vyvučajuć zamiežnyja movy, niekatoryja svabodna havorać na niekalkich. Jość zaŭziatyja teatrały, historyki, znaŭcy vyjaŭlenčaha mastactva, naprykład, akademičnaha žyvapisu XIX stahodździa. Niadaŭna, darečy, zaśpieŭ dvuch supracoŭnikaŭ za sprečkaj ab tym, čamu Bułhakaŭ abraŭ dla «Majstra i Marharyty» niekalki siužetnych linij».
Dźmitryj Bałaba padkreśliŭ, što ŭ minskim AMAPie słužać «ludzi, nastrojenyja ideałahična pravilna. Tyja, jakija nie zdradziać ni sumleńniu, ni svajmu narodu i Radzimie, ni honaru mundzira».
