«Siońnia Śledčy kamitet viarnuŭ moj smartfon», — paviedamiŭ u svaim fejsbuku žurnalist Tut.by Pavieł Dabravolski.
Nahadajem, 25 studzienia jaho zatrymali ŭ budynku suda Frunzienskaha rajona padčas pracesu nad hraficistami, źbili, a potym jašče i aštrafavali za nibyta niepadparadkavańnie milicyi i drobnaje chulihanstva, a kasacyjnuju skarhu sud nie zadavoliŭ.
«Abiacanyja dva dni raściahnulisia na miesiac, — piša Pavieł. — Ja dumaŭ, što śledčyja imknucca adnavić videa z budynka suda. Heta adziny dokaz złačynstva AMAPa — jano było vydalenaje ŭ Frunzienskim RUUS (darečy, jość artykuł za naŭmysnaje źniščeńnie takoj važnaj infarmacyi?).
Na praktycy ŭsio akazałasia prazaična. Zamiest viersii Android 6.0.1 mnie ŭstalavali 5.1.1. Cikava, navošta jany mianiali jaje na bolš staruju: chacieli niejkaj chreni zapampavać, ale ich sastareły soft nie prymaŭsia?»
Darečy, jakraz siońnia SK abviaściŭ tender na zakupku pryłady, jakaja zabiaśpiečyła b dostup da vydalenaj i zabłakavanaj infarmacyi na smartfonach. «#prostasupała», — iranizuje Pavieł.
