U pieršy poŭny dzień svajho vizitu na Kubu prezident ZŠA Barak Abama pravioŭ pieramovy z kubinskim lidaram Raŭlem Kastra.
U chodzie pres-kanfierencyi pa vynikach pieramoŭ Raul Kastra zajaviŭ ab zhodzie z prezidentam Abamam adnosna nieabchodnaści pahłybleńnia dvuchbakovaha supracoŭnictva ŭ baraćbie ź virusam Zika. Razam z tym Kastra acaniŭ jak pazityŭnyja, ale «niedastatkovyja» niadaŭnija miery Abamy pa źmiakčeńni handlovych i transpartnych abmiežavańniaŭ.
Pa słovach kubinskaha lidara, u hutarcy z prezidentam ZŠA jon chacieŭ padniać pytańnie ab situacyi ŭ Vieniesuele, ale na heta nie chapiła času. Jon adznačyŭ taksama, što pamiž ZŠA i Kubaj isnujuć hłybokija adroźnieńni, jakija nikoli nie źniknuć. Kastra vykazaŭsia taksama suprać taho, što jon acharaktaryzavaŭ jak «palityčnyja manipulacyi pravami čałavieka» Pavodle jaho słoŭ, ZŠA i Kuba pavinny prymianić na praktycy mastactva cyvilizavanaha suisnavańnia. Kastra zajaviŭ, što amierykanskaje embarha i turma ŭ Huantanama zastajucca pieraškodami na šlachu narmalizacyi dvuchbakovych adnosin.
Vystupajučy na pres-kanfierencyi, prezident Abama padkreśliŭ, što amierykanski narod adčuvaje siabroŭskija pačućci da Kuby. Pa słovach Abamy, ZŠA hatovyja da ŭstalavańnia z Kubaj novych ekanamičnych suviaziaŭ, jakija dapamohuć stvareńniu novych pracoŭnych miescaŭ dla amierykancaŭ i kubincaŭ.
Prezident ZŠA vykazaŭ udziačnaść kubinskamu lidaru za duch adkrytaści, vyjaŭleny ŭ chodzie pieramovaŭ.
Razam z tym Abama padkreśliŭ, što dvuchbakovyja adnosiny nie mohuć źmianicca ŭ raptoŭna. Pavodle jaho słoŭ, dyskusii pa pytańni ab pravach čałavieka pamiž im i Raulem Kastra byli adkrytymi i ščyrymi.
Prezident ZŠA kanstatavaŭ, što los Kuby vyrašajecca nie ŭ ZŠA: jaho vyrašać sami kubincy.
Pieramovy ŭ Pałacy Revalucyi ŭ Havanie stali čaćviortaj sustrečaj lidaraŭ dźviuch krain za apošnija hady. U 2013 hodzie jany praviali karotkuju sustreču na pachavańni Nelsana Mandeły ŭ PAR, a ŭ krasaviku minułaha hoda sustrakalisia na rehijanalnym samicie ŭ Panamie.
