Rejsy «Biełavija» ŭ Šarm-el-Šejch adnaŭlajucca paśla doŭhaha pierapynku. Pieršy ŭ 2016 hodzie čartar na hety jehipiecki kurort vylataje siońnia ŭ 14.00 z Nacyjanalnaha aeraporta «Minsk».
U papiaredni raz čartar ź Minska ŭ Šarm-el-Šejch vykonvaŭsia jašče 9 śniežnia 2015 hoda.
— Nie było popytu ŭ pasažyraŭ, klijentaŭ turfirm. Ale «Biełavija» ŭvieś hety čas lotała ŭ inšy aeraport Jehipta, u Churhadu, — raspaviała śpiecyjalist kampanii pa suviaziach z hramadskaściu Volha Hierasienka.
Sa 148 miescaŭ na bližejšym rejsie zapoŭnienyja 146.
Rejsy BRU-8755/56 Minsk — Šarm-el-Šejch — Minsk płanujuć vykonvać na Boeing 737-300.
Čartary ŭ Šarm-el-Šejch buduć lotać raz na 10 dzion. Raskład palotaŭ: 1, 11 i 22 maja, 1, 12, 22 červienia, 3, 13, 24 lipienia, 3, 14, 24 žniŭnia, 4, 14, 25 vieraśnia, 5,16, 26 kastryčnika.