Z adklučeńniem liftoŭ sutyknulisia žychary dvuch 20-paviarchovych damoŭ na vulicy Maskoŭskaj u Breście. U damach isnujuć pa try lifty — dva maleńkija i adzin vialiki, hruzavy. Mienavita hruzavy kamunalniki i adklučyli — dla ekanomii.
Pry adklučeńni hruzavoha lifta mierkavańniem žycharoŭ doma nichto nie pacikaviŭsia. Kab uklučyć lift, treba było zahadzia padać zajaŭku ŭ dyśpietčarski punkt. Paciarpieli ad takoj ekanomii invalidy-vazočniki i žychary ź dziećmi.
Jak paviedamlaje Jeŭraradyjo sa spasyłkaj na «Virtualny Brest», 26 maja ŭ šmatpaviarchovikach znoŭ zapracavali ŭsie lifty. U ŽREU patłumačyli, što adklučeńnie adbyłosia ŭ mežach mierapryjemstvaŭ pa aptymizacyi pracy liftaŭ. U vyniku praviedzienaha analizu spažyvańnia elektraenierhii ekanamičny efiekt akazaŭsia niaznačnym. Mienavita tamu kamunalniki pryniali rašeńnie adnavić pracu adklučannych liftaŭ.
