Pavodle kiroŭcy Cimafieja, inśpiektary spynili jaho i vykazali pretenziju da bčb-ściažka, maŭlaŭ «što za simvolika?». Cimafiej kaža, što vielmi spakojna staŭ tłumačyć svaje adnosiny da koleraŭ histaryčnaha ściaha, što šanuje nacyjanalnyja tradycyi i pakazaŭ, čto navat nanios na kuzaŭ aŭtamabila nacyjanalny arnamient.
Supracoŭniki DAI ź cikaŭnaściu vysłuchali kiroŭcu, ale vyrašyli źviazacca z načalstvam i ŭzhadnić svaje dziejańni.
Pavodle kiroŭcy, im byccam by skazali: nie čapać, ale biez štrafu nie adpuskać.
Urešcie, štraf vypisali, ale minimalny – 0,3 bazavaj, abo 63 tys. rubloŭ — za samastojna zroblenuju taniroŭku škła.
Karespandentu «NN», jaki staŭ śviedkam składańnia pratakoła, kiroŭca raspavioŭ, što pryznaje i vyjaŭlenaje parušeńnie, i spraviadlivaść pakarańnia.
Karespandent «NN» taksama źviarnuŭ uvahu, što supracoŭniki DAI byli vielmi vietlivymi i adkazvali pa-biełarusku.
Tysiačy ludziej jeździać z nalepkami «Pahoni» abo bieł-čyrvona-biełym ściaham pad škłom, heta ŭsprymajecca spakojna, bo stała masavaj źjavaj.
A voś sproby niekatorych kiroŭcaŭ jeździć z nacyjanalnymi ściahami na dachu stali pryciahvać uvahu DAIšnikaŭ.