Chryścia Fryłand (Chrystia Freeland) pryznačana novym ministram zamiežnych spraŭ Kanady, paviedamlaje National Observer.
nationalobserver.com
Cyrymonija prysiahi novych členaŭ kabinieta ministraŭ premjera Džaścina Trudo pačałasia ranicaj 10 studzienia ŭ rezidencyi Rydo-Choł u Atavie.
Da svajho pryznačeńnia Fryłand ź listapada 2015 h. zajmała pasadu ministra mižnarodnaha handlu. Jana stała pieršaj žančynaj na pasadzie kiraŭnika kanadskaha MZS za apošnija 24 hady.
Chryścia Fryłand naradziłasia ŭ 1968 h. u Pis-Ryvier (Albierta). Jaje baćka, Donald Fryłand, byŭ advakatam i členam Libieralnaj partyi Kanady, a maci Halina Chamiak, ukrainka pa pachodžańni, taksama pracavała advakatkaj.
Chryścia Fryłand atrymała stupień bakałaŭra mastactvaŭ pa rasijskaj historyi i litaratury ŭ Harvardskim univiersitecie i ŭ 1993 h. — mahistra daśledavańniaŭ pa słavistycy ŭ kaledžy Sv. Antonija ŭ Oksfardskim univiersitecie.
Pačynała žurnalisckuju karjeru va Ukrainie ŭ jakaści strynhiera Financial Times, The Washington Post i The Economist. Paźniej ŭ Financial Times ŭ Łondanie, načalnikam maskoŭskaha biuro, karespandentkaj va Uschodniaj Jeŭropie dy inš. Z sakavika 2010 h. — redaktar u Thomson Reuters. Taksama pracavała štotydniovym ahladalnikam u Globe and Mail.
26 lipienia 2013 hoda pakinuła žurnalistyku, kab bałatavacca na davybarach u parłamient Kanady ad Libieralnaj partyi pa akruzie ŭ Taronta.
