U kalektyŭnych damovach ustanoŭ adukacyi moža źjavicca pałažeńnie ab kampiensacyi vydatkaŭ na arendu žylla. Pra heta, jak paviedamlaje ahienctva «Minsk-Naviny», raspavioŭ staršynia kamiteta pa adukacyi Minharvykankama Michaił Mirončyk na vynikovaj kalehii viedamstva za 2016 hod.
«Adna z hałoŭnych pryčyn sychodu śpiecyjalistaŭ ź sistemy adukacyi, pa ich słovach, navat nie nievysokaja zarpłata, a adsutnaść žylla i niemahčymaść apłačvać najmanaje. U peŭnaj stupieni vastryniu prablemy dapamoža źniać uniasieńnie ŭ kalektyŭnyja damovy ŭstanoŭ adukacyi pałažeńnia ab kampiensacyi srodkaŭ, zatračanych maładymi śpiecyjalistami na apłatu najmu žylla», — skazaŭ Mirončyk.
Jon dadaŭ, što padobnaja inicyjatyva — dobraachvotnaja sprava kožnaj asobna ŭziataj ustanovy. Bo havorka idzie nie pra biudžetnyja asihnavańni, a pra srodki, atrymanyja ad pazabiudžetnaj dziejnaści.
«Pytańnie z žyllom vostra staić nie tolki ŭ maładych vykładčykaŭ, ale ŭ minskich piedahohaŭ u cełym, tamu my budziem bolš aktyŭna padymać pytańnie ab mahčymaści budaŭnictva internata dla rabotnikaŭ śfiery adukacyi», — paabiacaŭ kiraŭnik kamiteta pa adukacyi.
Jak paviedamlajuć «Minsk-Naviny», u palapšeńni žyllovych umoŭ majuć patrebu amal 3300 rabotnikaŭ sistemy adukacyi Minska.
