Epidemii hrypu ŭ Biełarusi nie było z 2010 hoda, paviedamiŭ siońnia na pres-kanfierencyi dacent kafiedry terapii Biełaruskaj miedycynskaj akademii paśladypłomnaj adukacyi, kandydat miedycynskich navuk Siarhiej Piatroŭ, pieradaje BIEŁTA.
«Pačynajučy z 2010 hoda, kali našu krainu zakranuła pandemija hrypu kanca 2009 — pačatku 2010 hoda, epidemii hrypu ŭ nas nie było, — skazaŭ jon. — Šmat u čym heta źviazana z tym, što ludzi nie tolki ŭ Biełarusi, ale i ŭ susiednich krainach pačali aktyŭna pryščaplacca. I voś hety kalektyŭny imunitet, stvorany za niekalki hadoŭ, spracoŭvaje».
Pa słovach navukoŭca, siezon reśpiratornych zachvorvańniaŭ i hrypu ŭ ciapierašni čas praciahvajecca, u krainie zafiksavanyja adzinkavyja vypadki hrypu, u tym liku ciažka praciakajučyja. U suviazi z hetym BiełMAPA rekamienduje daktaram nie hublać naściarožanaści ŭ płanie dyjahnostyki i lačeńnia hetych adzinkavych vypadkaŭ.
Siarhiej Piatroŭ źviarnuŭ asablivuju ŭvahu na nieabchodnaść vakcynacyi suprać hrypu. «Kali kazać pra prafiłaktyku siezonnych zachvorvańniaŭ, to aktyŭna pryščaplacca nieabchodna z pačatku kastryčnika», — skazaŭ jon. Što tyčycca zvyčajnych reśpiratornych zachvorvańniaŭ, to, jak praviła, pik zachvorvańniaŭ zakančvajecca da kanca krasavika.
