Dziaržduma RF pryniała ŭ trecim čytańni zakonaprajekt, jaki zabaraniaje vykarystańnie technałohij dostupu da zabłakavanych u Rasii sajtaŭ, paviedamlaje RIAN.
Dakumient ustanaŭlivaje zabaronu na vykarystańnie infarmacyjnych sistem i prahram dla atrymańnia dostupu da internet-resursaŭ, dostup da jakich abmiežavany na terytoryi krainy. Heta aznačaje, što pad dziejańnie zakona patencyjna traplajuć usie proksi i VPN-servisy, a taksama ananimnyja sietki Tor, I2P i Freenet. Ich uładalnikam prapanujecca zabiaśpiečyć dostup da rejestra zabaronienych sajtaŭ Raskamnahladu. Dakumient taksama zabaraniaje apierataram pošukavych sistem vydavać spasyłki na zabłakavanyja ŭ Rasii resursy.
U sieradu stała viadoma, što adsočvańniem ananimajzieraŭ, Tor i VPN-servisaŭ, jakija pradstaŭlajuć dostup da zabłakavanych u Rasii sajtaŭ, zojmucca supracoŭniki FSB i MUS. Ich abaviazali padavać vyniki manitorynhu i dasyłać zapyty ŭ Raskamnahlad.
Zakonaprajekt byŭ uniesieny ŭ Dziarždumu ŭ pačatku červienia i pieršapačatkova praduhledžvaŭ zabaronu vykarystańnia VPN-servisaŭ i ananimajzieraŭ dla prahladu zabłakavanych sajtaŭ.
