Manaforu daviałosia pakinuć kamandu Trampa za niekalki miesiacaŭ da vybaraŭ. Fota: REUTERS
Fiederalnyja ahienty, jak paviedamlajecca, kanfiskavali dakumienty i inšyja materyjały jašče 26 lipienia. Kiraŭnik adździeła rasśledavańniaŭ FBR Robiert Miuler vyjšaŭ z domu Manaforta u štacie Virdžynija ź niekalkimi dakumientami, paviedamlaje Washington Post.
Za dzień da pieratrusu Manafort vystupiŭ pierad kamisijaj kanhresa, jakaja rasśleduje imaviernaje ŭmiašalnictva Rasii ŭ vybary 2016 hoda.
Pakul niezrazumieła, jakija dakumienty byli kanfiskavanyja z domu Manaforta.
Raniej jon pieradaŭ ŭ kamitety sienata i kanhresa dakumienty, jakija tyčacca ich rasśledavańniaŭ u dačynieńni da Rasii.
Jak paviedamlajecca, heta zapisy, zroblenyja padčas sustrečy syna Donalda Trampa i rasijskaj advakatki Natalli Viesialnickaj padčas ich sustrečy ŭ Ńju-Jorku ŭ 2016 hodzie.
Jak vynikaje z elektronnych listoŭ Trampa-małodšaha, jon pahadziŭsia na sustreču i zaprasiŭ Manaforta ŭ abmien na abiacańnie pradstavić kampramietujučyja źviestki pra supiernicu Trampa ŭ prezidenckaj honcy Chiłary Klintan.
Manafortu pryjšłosia pakinuć kamandu Trampa za niekalki miesiacaŭ da hałasavańnia. Padstavaj dla sychodu Manaforta sa štaba ŭ žniŭni 2016 hoda stali paviedamleńni amierykanskich ŚMI pra jaho suviaź z prarasijskaj Partyjaj rehijonaŭ va Ukrainie.