Jeŭrapiejski Sajuz maje namier zrabić bolš žorstkimi sankcyi ŭ dačynieńni da Paŭnočnaj Karei. Pra heta zajaviła ŭ Talinie viarchoŭny pradstaŭnik ES pa źniešniaj palitycy i palitycy biaśpieki Fiederyka Mahieryni, paviedamlaje DW.
Pavodle jaje słoŭ, novyja abmiežavalnyja miery pavinny ŭzmacnić cisk na Pchieńjan, kab prymusić jaho ŭstupić u «kanstruktyŭny dyjałoh» ź mižnarodnaj supolnaściu. Praca nad płanami pa pašyreńni sankcyj projdzie ŭ bližejšyja dni, dadała Mahieryni.
Ministr zamiežnych spraŭ Hiermanii Zihmar Habryel rastłumačyŭ, što ŭ liku abmiarkoŭvajemych mier — zabarona dla paŭnočnakarejskich karabloŭ na ŭvachod u party krain ES i zabarona na vykarystańnie rabočych z KNDR na terytoryi Jeŭrasajuza.
Pa słovach krynicy ahienctva AFP ŭ dypłamatyčnych kołach, razhladajecca taksama mahčymaść uviadzieńnia embarha na pastaŭki nafty ŭ Paŭnočnuju Kareju i ŭniasieńnia Kim Čen Yna ŭ sankcyjny śpis.
