U vydaviectvie «Mastackaja litaratura» vyjšaŭ «Dziciačy atłas Biełarusi». Heta faktyčna pieršaje padobnaje biełaruskaje vydańnie takoha žanru. Dziciačyja atłasy svaich krain majuć litoŭcy, ukraincy, palaki… dy, zdajecca, usie jeŭrapiejcy. Ciapier - i biełarusy.
Aŭtarka atłasu Palina Hrynčanka charaktaryzuje jahonuju čytackuju aŭdytoryju tak: «u pieršuju čarhu - dla dziaciej ad 2 da 10 hadoŭ, dla vychavalnikaŭ dziciačych sadkoŭ i nastaŭnikaŭ małodšych kłasaŭ».
Dziciačy atłas» źmiaščaje nie tolki ilustracyi z podpisami, ale i cikavuju infarmacyju pra historyju, pryrodu, kulturu Biełarusi (vydańnie kansultavali supracoŭniki Akademii navuk).
Kniha dapamoža školnikam i nastaŭnikam padrychtavacca da zaniatkaŭ «Čałaviek i śviet» i «Maja kraina - Biełaruś», ździvić niečakanymi faktami, paznajomić ź nieviadomymi žyviołami i raślinami, zaachvocić padarožničać pa našaj krainie i na svaje vočy ŭbačyć usie jaje cikavostki. A samaje hałoŭnaje - dapamoža hadavać dzietak sapraŭdnymi biełarusami!
39 kalarovych staronak, miakkaja vokładka. Košt u vydaviectvie 4.20 rub.Adras vydaviectva: Minsk, pr. Pieramožcaŭ, 11, kab. 924 (adździeł realizacyi). Teł. +375 17 203 58 09.
