U Smarhoni 22 sakavika zaviedziena kryminalnaja sprava suprać dźviuch žycharak ahraharadka Vojstam, jakija rehularna krali pradukty z doma 88-hadovaj piensijanierki. Pra heta raspavioŭ kraj.by načalnik Smarhonskaha rajonnaha adździeła Śledčaha kamiteta Viktar Damuć.
Pavodle jaho słoŭ, žančyna žyvie adna. Jana kiepska čuje, ź ciažkaściu chodzić. Hetym i karystalisia dźvie miascovyja žycharki.
Svajaki pryvozili piensijaniercy pradukty, a dźviery ŭ svoj dom haspadynia, jak praviła, nie zamykała. Voś i panadzilisia da jaje złamyśnicy, jakija złoŭžyvajuć śpirtnym. Adnoj padazravanaj 48 hadoŭ, druhoj — - 42 hady. Abiedźvie sudzimyja za kradziež i niavypłatu alimientaŭ.
Jany zachodzili ŭ dom, šukali pa šafach i tumbačkach. U adnym vypadku znajšli tušonku, nastupnym razam vykrali paścielnyja prynaležnaści. Usio skradzienaje pradavali, a na atrymanyja hrošy kuplali śpirtnoje.
— Złačynstvy, učynienyja suprać starych ludziej, zaŭsiody vielmi rezanansnyja, i heta sprava ŭ nas na asablivym kantroli, — adznačyŭ načalnik Smarhonskaha RASK.
Padazravanyja znachodziacca pad padpiskaj ab niavyjeździe.
