Wikimedia Commons
Uładalnik «Čełsi» Raman Abramovič moža pradać kłub. Jak paviedamiła Bloomberg krynica, znajomaja ź situacyjaj, rasijski miljarder hatovy pradać kamandu za 3 miljardy funtaŭ, piša Tribuna.com.
Raniej Abramovič adchiliŭ prapanovu najbahaciejšaha čałavieka Vialikabrytanii Džyma Retklifa, jaki prapanoŭvaŭ za kłub 2,3 miljarda funtaŭ.
Uletku ŭ brytanskaj presie źjaviłasia infarmacyja, što Abramovič naniaŭ inviestycyjny bank dla razhladu pytańnia prodažu «Čełsi». U kłubie infarmacyju abvierhli.
Biznesmen kupiŭ «Čełsi» ŭ 2003 hodzie za 140 młn funtaŭ. Za hety čas kłub vyjhraŭ piać čempijanataŭ, piać Kubkaŭ i dva Supierkubki Anhlii, try Kubki lihi, Lihu čempijonaŭ i Lihu Jeŭropy.
Nahadajem, što «Čełsi» źjaŭlajecca supiernikam BATE ŭ Lizie Jeŭropy.