Spartyŭny dyrektar «Bavaryi» Chasan Salichamidžyč zajaviŭ, što kłub padpisaŭ kantrakt z abaroncam «Štutharta» i zbornaj Francyi Bienžamienam Pavaram. 22-hadovy futbalist dałučycca da novaj kamandy 1 lipienia 2019 hoda. Pahadnieńnie raźličana na piać hadoŭ, paviedamlaje aficyjny tvitar «Bavaryi».
Pavodle infarmacyi ESPN, miunchienski kłub zapłacić za Pavara € 35 młn. «Bavaryja» była zacikaŭlena ŭ pierachodzie francuza padčas zimovaha tranśfiernaha akna, ale «Štuthart» admoviŭsia adpuścić hulca raniej za kaniec siezona.
Pavar vyznačyŭsia ŭ matčy 1/8 finału ČS-2018 suprać Arhienciny (4:3), słaŭšy miač u varoty na 57-j chvilinie dalokim udaram źniešnim bokam stupni.
0
0
0
0
0
0