Mahiloviec udaryŭ 60-hadovuju žonku nažom u pajaśnicu. Incydent adbyŭsia a piataj ranicy ŭ kvatery na vulicy Arłoŭskaha.
Supracoŭniki adździeła kryminalnaha vyšuku zastali doma 65-hadovaha mahiloŭca, jaki ŭžo supakoiŭsia i raspavioŭ, što adbyłosia. Akazałasia, što piensijanier z žonkaj u tuju noč vyrašyli pahladzieć kino. Vybraŭšy mieładramu, ustroilisia na kanapie. Adnak pierypietyi kachańnia pamiž hałoŭnymi hierojami filma prymusili pjanaha mužčynu paniervavacca: jon staŭ vypytvać žonku, ci była jana viernaja jamu na praciahu ŭsiaho ich šlubu.
Žančyna adkazała, što nikoli jamu nie zdradžvała, ale muž praciahvaŭ nahniatać. Paskandaliŭšy, jon uziaŭ u ruki nož i ŭdaryŭ žonku. Supakoiŭšyja, jon vyklikaŭ chutkuju dapamohu. Ciapier piensijaniera zatrymali. Pravaachoŭnikam jon patłumačyŭ, što «prosta pryraŭnavaŭ» žonku.
Da administracyjnaj adkaznaści mužčyna nie pryciahvaŭsia, na ŭliku ŭ milicyi nie stajaŭ. Vyrašajecca pytańnie ab zaviadzieńni kryminalnaj spravy pa artykule «Naŭmysnaje pryčynieńnie ciažkaha cialesnaha paškodžańnia».