bik.gov.tr
Alaksandr Łukašenka ŭ intervju tureckamu infarmacyjnamu ahienctvu «Anadału» raspavioŭ, što maje namier abmierkavać na pieramovach z prezidentam Turcyi Redžepam Taipam Erdahanam, paviedamlaje BiełTA.
Jon padkreśliŭ, što padmurkam lubych adnosin pamiž dziaržavami źjaŭlajecca handlova-ekanamičnaje supracoŭnictva i jaho treba raźvivać, kali krainy chočuć mieć doŭhaterminovyja i stabilnyja adnosiny.
Pa słovach kiraŭnika dziaržavy, Biełaruś choča mieć z Turcyjaj takija ž ciopłyja i siabroŭskija adnosiny, jak, naprykład, z Rasijaj. «A čamu b i nie? U Rasii z vami zaraz vielmi dobryja adnosiny. Čamu ŭ nas pavinny z vami być adnosiny nie toje što horš, a nižej? Takoha być nie pavinna. Tamu my z prezidentam Erdahanam adnaznačna padciahniem uzrovień našych adnosin navat vyšej, čym u vas z Rasijskaj Fiederacyjaj. My namacali za hetyja hady tyja ahulnyja padychody, tyja pazicyi, pa jakich siońnia treba pracavać. I my poŭnyja rašučaści heta zrabić», — zajaviŭ Łukašenka.
U Biełarusi i Turcyi šmat ahulnych intaresaŭ, dadaŭ kiraŭnik dziaržavy: IT-siektar, śfiera technałohij, chimičnaja i naftachimičnaja pramysłovaść, vytvorčaść aŭtamabilnaj techniki.
Łukašenka adznačyŭ ciopłyja, družalubnyja mižasobasnyja adnosiny z tureckim lidaram. «My nazyvajem adzin adnaho bratami, heta była inicyjatyva Redžepa Erdahana. Ja jaho nazyvaju svaim siabram. Pa-roznamu. Ale zaŭsiody, jak blizkija, možna navat skazać, jak rodnyja ludzi. Paśla peŭnych padziej, jakija pieražyła Turcyja (ja nie budu ich ciapier nazyvać) i ŭ jakija ja mimavoli byŭ uciahnuty bolš za ŭsio z padačy svajho siabra Redžepa Taipa Erdahan, my stali jašče bližej», — raspavioŭ Łukašenka.
«My razumiejem adzin adnaho, padtrymlivajem adzin adnaho na ŭsich mižnarodnych placoŭkach, budujem vielmi dobryja adnosiny pamiž mahutnaj, bahataj Turcyjaj i vielmi važnaj tut na poŭnačy krainaj Biełaruśsiu. U nas niama nijakich zakrytych tem dla supracoŭnictva, i ŭ suviazi z hetym našy adnosiny vielmi blizkija i vielmi družalubnyja «, - padkreśliŭ biełaruski lidar.
