U apošni čas u asobnych jak niezaležnych, tak i dziaržaŭnych ŚMI źjaviłasia infarmacyja ab pašyreńni kantaktaŭ ułady z pradstaŭnikami demakratyčnaj apazicyi.
U pryvatnaści, ab uklučeńni pradstaŭnikoŭ šerahu palityčnych partyj i hramadskich abjadnańniaŭ, što ŭvachodziać u ADS, u Hramadska-kansultacyjnuju radu pry Administracyi prezidenta, jakuju ŭznačaliŭ kiraŭnik Administracyi Ŭładzimir Makiej. U suviazi z hetym Prezidyum Palitrady ADS ličyć nieabchodnym zajavić:
- nijakich aficyjnych prapanovaŭ ab nakiravańni svaich pradstaŭnikoŭ u vyšejnazvanuju Radu subjekty ADS nie atrymlivali;
- statut, paŭnamoctvy i skład paznačanaj struktury zastajucca niezrazumiełymi;
- acenku dadzienamu orhanu možna budzie dać tolki zychodziačy z peŭnaha vyniku jahonaj dziejnaści pa demakratyzacyi ŭsich śfier hramadska-palityčnaha žyćcia.
Prezidyum taksama zajaŭlaje, što demakratyčnyja siły hatovyja da adkrytaha transparentnaha dyjałohu z uładami pa aktualnych prablemach, jakija chvalujuć biełaruskaje hramadstva, što adlustravana ŭ stratehii dziejnaści ADS, pryniataj na apošnim Kanhresie prychilnikaŭ demakratyčnych pieramien u 2007 hodzie.
