Fota Natalli Muščynkinaj
Hałoŭny doktar balnicy ŭ Kamunarcy (Maskva) Dzianis Pracenka paćvierdziŭ, što ŭ rasijskaha śpievaka Lva Leščanki dyjahnastavany karanavirus. Pra heta jon napisaŭ na staroncy ŭ fejsbuku.
«Na siońnia stan pacyjenta stabilny, i jon nie maje patreby ŭ dadatkovym kisłarodzie, i my płanujem praciahnuć jaho lačeńnie ŭ špitalnym adździaleńni», — napisaŭ Pracenka.
Napiaredadni stała viadoma, što narodnaha artysta RSFSR pieraviali ŭ reanimacyju balnicy dla zaražanych karanavirusam u Kamunarcy. Paviedamlałasia, što Leščanka pačaŭ zadychacca, u jaho źniziŭsia pracent kisłarodu ŭ kryvi, piša lenta.ru.
Humaryst Uładzimir Vinakur raspaviadaŭ žurnalistam, što artysta špitalizavali z-za dvuchbakovaha zapaleńnia lohkich. Leščanka i jaho žonka Iryna trapili ŭ lakarniu z padazreńniem na karanavirus 24 sakavika.
