Kaljułajd raspaviała, što Estonija ŭžo robić dla Biełarusi: vyłučyli 700 tysiač jeŭra na padtrymku adukacyjnych i hramadskich inicyjatyŭ.
Cichanoŭskaja zaklikała padtrymać pašyreńnie sankcyj, dadaŭšy ŭ śpisy supracoŭnikaŭ AMAP i HUBAZiK, sudździaŭ i biznesoŭcaŭ, jakija padtrymlivajuć režym. Mikałaj Karpiankoŭ užo znachodzicca ŭ estonskim śpisie.
Abmierkavali mahčymaść startu ŭ Estonii spraŭ pa ŭniviersalnaj jurysdykcyi, bo niekalki biełarusaŭ ciapier prachodziać u Estonii reabilitacyju paśla hvałtu z boku siłavikoŭ u Biełarusi.
Palityki pahavaryli ab supracoŭnictvie pamiž uradam Estonii i Kabinietam Śviatłany Cichanoŭskaj u pytańni ekanamičnych i ličbavych reformaŭ, raźvićcia IT-siektara.
Abmierkavali UNS i kanstytucyjnuju reformu, jakuju choča pravieści Łukašenka.
