Jon padziakavaŭ viernikam za salidarnaść ź im na praciahu 4 miesiacaŭ, jakija jon byŭ u vyhnańni. Jon skazaŭ, što dalej budzie pracavać u kanfierencyi biskupaŭ, celebravać imšy.
Tadevuš Kandrusievič i arcybiskup Kazimir Vielikasielec
3 studzienia, u dzień 75-hadovaha jubileju arcybiskupa Tadevuša Kandrusieviča, Papa Francišak pryniaŭ padadzienaje im prašeńnie ab vyzvaleńni ad kiravańnia Minska-Mahiloŭskaj archidyjacezijaj u suviazi z dasiahnieńniem piensijnaha ŭzrostu. Jaho miesca zojmie Kazimir Vielikasielec.
Nahadajem, što 31 žniŭnia Tadevuša Kandrusieviča nie puścili ŭ Biełaruś pamiežniki, kali jon viartaŭsia z Polščy. Pierad hetym jon vystupaŭ za sumlennyja vybary, asudziŭ hvałt u dačynieńni da pratestoŭcaŭ, a taksama maliŭsia kali ścien SIZA na Vaładarskaha i Akreścina.
Ułady abvinavacili jaho ŭ tym, što arcybiskup «atrymlivaŭ ukazańni z Varšavy». Viarnucca ŭ Biełaruś udałosia tolki pierad Kaladami 24 śniežnia paśla ŭmiašańnia Papy Franciška i jaho śpiecpasłańnika, byłoha apostalskaha nuncyja ŭ Biełarusi Kłaŭdyja Hudžeroci.
