Pavodle źviestak Minadukacyi, studentami VNU ŭsich form ułasnaści pa vynikach zaličeńnia stali prykładna 90 tys. čałaviek.
Dla paraŭnańnia: u 2008 hodzie ŭ VNU pastupili 85,1 tys. čałaviek.
U dziaržaŭnyja VNU sioleta było zaličana 78,8 tys. studentaŭ. Heta na 5,8 tys. bolš, čym letaś. Ź ich na dzionnuju formu atrymańnia adukacyi pastupili 47 tys. čałaviek, u tym liku 21,8 tys. — na ŭmovach apłaty. Na zavočnuju formu zaličany 31,4 tys. čałaviek, u tym liku 24,4 tys. — na ŭmovach apłaty. Na viačerniuju formu navučańnia pastupili 259 čałaviek.
U pryvatnyja VNU ŭ 2009 hodzie zaličana 11,3 tys. čałaviek. Heta na 0,9 tys. čałaviek mienš, čym letaś. U tym liku na dzionnuju formu pastupili 3,3 tys. čałaviek, na zavočnuju formu — 8 tys. čałaviek.
U liku 25,2 tys. abituryjentaŭ, zaličanych na dzionnuju biudžetnuju formu navučańnia, 74,2% składali vypuskniki haradskich ustanoŭ adukacyi, ź jakich 26% zakončyli licei i himnazii, i 18,3% — vypuskniki sielskich ustanoŭ adukacyi. Pry hetym, jak zajaviŭ staršynia Dziaržaŭnaj kamisii pa kantroli za chodam padrychtoŭki i praviadzieńnia ŭstupnych ispytaŭ u 2009 hodzie Anatol Rubinaŭ, pa vynikach centralizavanaha testavańnia, vypuskniki, jakija skončyli sielskija škoły, «vielmi niaznačna» adstajuć ad vypusknikoŭ‑haradžan. Pavodle jaho słoŭ, heta śviedčyć pra «pavyšeńnie jakaści padrychtoŭki ŭ sielskich škołach i vyraŭnoŭvańnie startavych mahčymaściaŭ abituryjentaŭ z horada i vioski».
2,5% ad usich zaličanych na dzionnuju biudžetnuju formu navučańnia ŭ VNU mieli lhoty, bolšaść ź ich — dzieci‑siroty i dzieci, jakija zastalisia biez papiačeńnia baćkoŭ. 8,7% ad usich pastupiŭšych na dzionnuju biudžetnuju formu navučańnia — miedalisty, 1,1% — vydatniki SSNU, PTV. 0,6% ad zaličanych na biudžet — zamiežnyja hramadzianie, u tym liku z Rasii, Kazachstana, Kirhizii, Tadžykistana.
Na ŭmovach metavaj padrychtoŭki sioleta ŭ VNU Biełarusi było pryniata 1 tys. 302 čałavieki. Dla paraŭnańnia, u 2008 hodzie takich pastupiŭšych było 998 čałaviek. Nahadajem, sioleta takija abituryjenty pavinny byli zaklučyć kantrakt, pa jakim termin adpracoŭki pa raźmierkavańni dla ich składaje nie mienš jak piać hadoŭ.
Usiaho ŭ 2009 hodzie pryjom studentaŭ ažyćciaŭlali 43 dziaržaŭnyja VNU i 10 pryvatnych.