U Dzień horadu zabaroniać prodaž śpirtnoha pobač ź śviatočnymi placoŭkami.
Pra heta paviedamiŭ namieśnik načalnika HUUS Minharvykankama — načalnik milicyi hramadskaj biaśpieki Uładzimir Navitkievič. Dzień horadu budzie adznačacca ŭ stalicy 12-13 vieraśnia.
Heta zabarona budzie dziejničać na ŭvieś čas praviadzieńnia mierapryjemstvaŭ. «Jak tolki my ŭbačym, što ludzi pačali masava pakidać mierapryjemstva, zabarona budzie źniataja», — padkreśliŭ Navitkievič.
Tradycyjna ŭ miescach masavaha zboru ludziej buduć ustanoŭleny stacyjanarnyja i mabilnyja kantrolna-prapusknyja punkty (KPP). Pierad imi buduć raźmieščanyja płakaty ź pieralikam rečyvaŭ, zabaronienych da pranosu na śviata: śpirtnoje; słabaałkaholnyja napoi, u tym liku piva; pradmiety, što ŭjaŭlajuć pahrozu zdaroŭju i žyćciu hramadzian. Možna budzie pranosić tolki minieralnuju vadu ŭ prazrystaj płastykavaj butelcy. Hramadzianie ŭ stanie ałkaholnaha apjanieńnia na śviata dapuskacca nie buduć.
«U vypadku nieabchodnaści my budziem pavialičvać kolkaść KPP», — adznačyŭ Navitkievič. Siarod miescaŭ raźmiaščeńnia KPP nazvany praśpiekt Pieramožcaŭ i praśpiekt Mašerava. Jon nahadaŭ, što na Dzień niezaležnaści 3 lipienia pracavała prykładna 20 KPP.
