Prakuratura Minskaj vobłaści zaviaršyła rasśledavańnie i nakiravała ŭ sud materyjały kryminalnaj spravy ŭ dačynieńni da 45‑hadovaha žychara Barysava.
Jon abvinavačvajecca ŭ zabojstvie svajoj 30‑hadovaj znajomaj, vychavacielki adnaho ź dziciačych sadkoŭ horada.
Jak paviedamili BiełaPAN u prakuratury vobłaści, u lutym 2009 hoda maładaja žančyna pajšła z domu i nie viarnułasia. Niekatory čas jana ličyłasia źnikłaj bieź viestak. Adnak zatym było ŭstanoŭlena, što ŭ svaim domie, na hlebie asabistych niepryjaznych adnosinaŭ, jaje zadušyŭ znajomy, a trup schavaŭ.
Barysaŭčaninu inkryminujecca ŭčynieńnie złačynstva, praduhledžanaha č. 1 art. 139 KK. Maksimalnaje pakarańnie — da 15 hadoŭ pazbaŭleńnia voli.
Sprava budzie słuchacca ŭ sudzie Barysaŭskaha rajona.
0
0
0
0
0
0