Ministr pa nadzvyčajnych situacyjach Biełarusi Envier Baryjeŭ ličyć nieabchodnym dazvolić nahladnym orhanam ministerstva pravodzić pazapłanavyja pravierki biaśpieki abjektaŭ.
«Viadoma, jość peŭnaja situacyja, źviazanaja z tym, što ŭ ramkach rehulavańnia nahladnaj dziejnaści ŭ nas da pravierak finansava‑haspadarčaj dziejnaści dzieści adnolkavy padychod, jak i da pravierak u halinie biaśpieki. Na naš pohlad — heta nie zaŭsiody abhruntavana», — skazaŭ ministr.
Jon ličyć, što «ŭ dziaržaŭnaha pažarnaha nahladu, u nahladu za pramysłovaj biaśpiekaj pavinna być mahčymaść praviadzieńnia pazapłanavych apieratyŭnych pravierak». «Naprykład, letnija azdaraŭlenčyja łahiery abo škoły. A tak atrymlivajecca, što na abjekcie, jaki pravierany adzin raz u hod, bolš inśpiektar źjaŭlacca nie pavinien», — adznačyŭ Envier Baryjeŭ.
Pavodle jaho słoŭ, u krainie niesumnienna jość šerah abjektaŭ, adnosna jakich orhany MNS upeŭnieny, što stvorana sistema zabieśpiačeńnia biaśpieki i nijakich prablemnych situacyj nie pavinna ŭźniknuć.
Adnak adnosna častki abjektaŭ takoj upeŭnienaści niama.
«My budziem vychodzić z prapanovaj, kab u nahladnych orhanaŭ našaha ministerstva było prava na ažyćciaŭleńnie pazapłanavych pravierak», — skazaŭ ministr pa nadzvyčajnych situacyjach Biełarusi.
