20 krasavika Biarozaŭku, što na Lidčynie, naviedaŭ Alaksandr Milinkievič. Pryjechaŭ z metaju padtrymki miascovaha kandydata ŭ deputaty haradskoha savieta, siabra Ruchu Za Svabodu Siarhieja Trafimčyka.
I voś jakuju historyju raskazali žychary horadu.
Viadomy palityk u kampanii miascovych aktyvistaŭ jakraz chadziŭ pamiž raźmieščanymi pobač budynkami internataŭ, kali z adnaho z budynkaŭ, jakraz taho, dzie mieścicca vybarčy ŭčastak, vyjšaŭ ciapierašni hałava harsavieta, sieŭ u aŭto i pačaŭ było adjazdžać. Ale ci kampaniju hetuju ŭbačyŭ «mer» na svaim šlachu, ci što inšaje stałasia — aŭtamabil spyniŭsia, daŭ zadni chod za roh budynka, skul vyhladaŭ niekalki siekundaŭ, a potym uvohule raźviarnuŭsia i padaŭsia na lasnuju darohu (internaty mieściacca na ŭskrajku lesu) preč. Dy tak, što «ažno pył staŭbom», — kazali ludzi, što bačyli ŭsie hetyja manieŭry.
