U pieršy raz za 16 hadoŭ ludzi ŭ Biełarusi hladziać na Rasieju z nadziejaj.
Pamiž dvuma mierkavanymi sajuźnikami razharełasia infarmacyjnaja vajna, piša brytanski časopis «The Economist».
Rasieju i Biełaruś składana nazvać abaroncami demakratyi i svabody słova. Ale ŭ postsavieckim śviecie postmaderniscki padychod da palityki moža davać dziŭnyja vyniki. Za apošnija tydni hetyja aŭtarytarnyja režymy vykryli aŭtarytaryzm adzin adnaho i z dapamohaj dziaržaŭnych ŚMI pačali ataku na adsutnaść svabody słova ŭ supiernika. Dziŭna, ale hetaja słaviesnaja vajna była raźviazanaja ŭ imia braterskich suviaziaŭ i ekanamičnaha sajuza.
Bajavyja dziejańni ŭspychnuli try tydni tamu, kali Maskva i Miensk paspračalisia pra košty na haz, i Alaksandr Łukašenka, kiraŭnik Biełarusi, ledź nie admoviŭsia ad Mytnaha sajuza pamiž jaho krainaj, Rasiejaj i Kazachstanam. U kančatkovym vyniku damova ab sajuzie była padpisanaja 5 lipienia. Na dzień raniej kanał NTV, jaki kantralujecca «Hazpramam», rasiejskim hazavym manapalistam, pakazaŭ film «Chrosny baćka» — dakumientalny film, što pakazvaje Łukašenku, jakoha Rasieja tak doŭha padtrymlivała, jak žorstkaha tyrana, tym, chto padtasoŭvaje vyniki vybaraŭ i dušyć apazicyju.
Łukašenka, dla jakoha praź niekalki miesiacaŭ raspačnucca prezidenckija vybary, nanies ŭdar u adkaz. 15 lipienia dziaržaŭnaje telebačańnie Biełarusi pieradało ŭchvalnaje intervju z prezidentam Hruzii (i hałoŭnym voraham Rasiei) Michaiłam Saakašvili, jaki adznačyŭ, što krytyka Rasiei — heta krytyka krainy, jakaja dušyć apazicyjnych palitykaŭ i zabivaje žurnalistaŭ.
NTV adkazaŭ filmam «Chrosny
Kreml nie robić sakretu z taho, što Łukašenka ŭrešcie rešt vyčarpaŭ ich ciarpieńnie. Hadami Maskva subsidavała jaho režym z dapamohaj tannaha hazu i syroj nafty, jakaja nie abkładałasia pošlinaj i jakuju Biełaruś pierapracoŭvała i reekspartavała; jana padtrymlivała jaho, kali Łukašenka falsifikavaŭ vyniki vybaraŭ i dušyŭ mirnyja pratesty. Ale, padajecca, jana mała atrymlivała naŭzamien. Łukašenka nie pradaŭ biełaruskija naftapierapracoŭčyja zavody rasiejskim firmam, jon admoviŭsia pryznać niezaležnaść hruzinskich pravincyjaŭ, samaabvieščanych respublikaŭ Paŭdniovaja Asiecija i Abchazija, i jon prapanavaŭ prytułak Bakijevu.
Jaho ŭpartaść u dačynieńni da Mytnaha sajuza było apošniaj kroplaj. Dla Rasiei sajuz — asnova jaje «zony pryvilejavanych intaresaŭ», i jana bačyć jaho jak svaju alternatyvu Jeŭrapiejskamu Źviazu. Zamiest taho, kab dapamahčy Uładzimiru Pucinu, premjeru Rasiei, u jaho histaryčnaj misii paŭtornaha abjadnańnia častak, raskołatych paśla krachu Savieckaha Sajuza (adzin z prychilnikaŭ Pucina paraŭnaŭ hetuju misiju z uźjadnańniem Hiermanii),
Kab pavialičyć cisk na jaho, Rasieja ŭźniała košty na haz i ŭrezała pastaŭki nafty. Kali atačeńnie Łukašenka adčuje, što Maskva kinuła ich šefa, jany mohuć pakinuć karabiel, jaki tonie. Rasieja taksama razhojdvaje biełaruskuju apazicyju. «U pieršy raz za 16 hadoŭ ludzi ŭ Biełarusi hladziać na Rasieju z nadziejaj», — skazaŭ lider apazicyi Andrej Sańnikaŭ.
Hetaja nadzieja moža być zaŭčasnaj. Łukašenka časta pierajhravaŭ chitrejšymi manieŭrami svaich rasiejskich inviestaraŭ, jakija bajacca stracić Biełaruś, sastupiŭšy jaje Zachadu. Metaj ataki Rasiei na Łukašenku moža być žadańnie prystrašyć jaho, a nie jaho zrynuć. Nivodny apazicyjny palityk nie budzie razhladać intehracyju z Rasiejaj jak surjoznuju alternatyvu JEZ.
Toje, što Łukašenku nazvali
