U Rasiei byŭ praviedzieny konkurs na samyja cikavyja apraŭdańni spaźnieńniaŭ. U konkursie brali ŭdzieł jak tyja, chto spaźniajecca, tak i tyja, chto musić na heta reahavać. Abiedźvie katehoryi dasyłali apraŭdańni praź Internet.
Najbolš aryhinalnym było apraŭdańnie Ludmiły Siarebrańnikavaj: «Prychodžu na pracu štoraz paźniej, bo ranicoju biehaju z svaim sabakam, i my razam vitajem uzychodziačaje sonca. A jano ŭzychodzić z kožnym dniom usio paźniej. Tak budzie da 22 śniežnia. Paśla hetaj daty abaviazvajusia prychodzić na pracu kožny dzień raniej».
Siarod šmatlikich apraŭdańniaŭ byli i takija: «Padčas haleńnia ja parezaŭ nos i nia moh znajści plastyr» albo «Pafarbavali leśvičnuju kletku i, vychodziačy, ja prylapiŭsia da ściany».
Konkurs mieŭ chutčej žartaŭlivy charaktar, ale niepunktualnaść moža stvarać surjoznyja prablemy. Jość firmy, dzie adnosna tych, chto zaŭsiody spaźniajecca, prymianiajucca finansavyja pakarańni.
