Z novaj zajavaj pa spravie aryštavanych u Biełarusi rasijskich hramadzian Arcioma Breusa i Ivana Haponava vystupiła Ministerstva zamiežnych spraŭ Rasii.«Paśla taho, jak na papiarednim pasiadžeńni abvinavačańnie ŭ adras A.Breusa i I.Haponava rassypałasia litaralna na vačach, usie raźličvali, što budzie pryniata rašeńnie ab spynieńni ich sudovaha pieraśledu. Adnak atrymałasia inakš, pakolki samo abvinavačańnie zastałosia raniejšym, ale da spravy była pryciahnuta vialikaja hrupa novych śviedak ź liku supracoŭnikaŭ pravaachoŭnych orhanaŭ. Taki pavarot padziej nie moža nie naściarožvać», — havorycca ŭ zajavie rasijskaha źniešniepalityčnaha viedamstva.
MZS vykazvaje nadzieju na «abjektyŭny i spraviadlivy vierdykt, jaki adpaviadaŭ by normam mižnarodnaha prava, u tym liku ŭ śfiery asnovatvornych pravoŭ čałavieka».
Praces nad Breusam i Haponavym adnaviŭsia ŭ sudzie Maskoŭskaha rajona Minska 1 sakavika. Jany abvinavačvajucca na padstavie č. 2 art. 293 Kryminalnaha kodeksa (aktyŭny ŭdzieł u masavych biesparadkach, što supravadžalisia pahromami, uzbrojenym supraciŭleńniem pradstaŭnikam ułady), a taksama ŭ naniasieńni paškodžańniaŭ supracoŭnikam milicyi.
Siońnia dziaržabvinavaŭca Siarhiej Kunaš začytaŭ śpis z 15 paciarpiełych milicyjanieraŭ, jakija, pavodle jaho słoŭ, byli źbity demanstrantami. Jon śćviardžaje, što Breus i Haponaŭ u hetym udzielničali. Da spravy dałučany pastanovy ab pryznańni supracoŭnikaŭ milicyi paciarpiełymi, pratakoły ich dopytu, zaklučeńnie sudmiedekśpierta.
U suviazi z udakładnienym abvinavačańniem advakaty rasijan paprasili zrabić u pracesie pierapynak. Sudździa Luboŭ Simachina ich prośbu zadavoliła — sud pieraniesieny na 10 sakavika. Pry hetym jana admoviła ŭ chadajnictvie ab źmienie Breusu i Haponavu miery strymańnia na padpisku ab niavyjeździe.
Jak zajaviŭ daradca pasolstva Rasii ŭ Biełarusi Vadzim Husieŭ, kamientujučy vyniki pasiadžeńnia suda 1 sakavika, Rasija vystupaje za vyzvaleńnie svaich hramadzian u suviazi z «nadumanaściu pradjaŭlenych im abvinavačańniaŭ i adsutnaściu
«Vakoł sudovaha pracesu šmat pytańniaŭ, u pryvatnaści, dzie byli tyja 15
Breus i Haponaŭ byli zatrymany viečaram 19 śniežnia pry razhonie niesankcyjanavanaj akcyi pratestu na płoščy Niezaležnaści ŭ Minsku i pieršapačatkova asudžany na 10 sutak administracyjnaha aryštu. 29 śniežnia, paśla adbyćcia aryštu, ich iznoŭ zatrymali — užo ŭ miežach kryminalnaj spravy ab masavych biesparadkach.
