U Minsku siońnia adbyłosia raźvitańnie z kardynałam Kazimira Śviontkam. Mašyna ź ciełam śviatara prybyła da minskaha Archikatedralnaha kaścioła prykładna, a 12 hadzinie.
Mitrapalit Tadevuš Kandrusievič, sustrakajučy trunu na hanku kaścioła, skazaŭ: «Siońnia ty viartaješsia ŭ chram, jaki adbudavaŭ, kab nazaŭsiody ź jaho syści ŭ nieba». Mitrapalit u hety momant nie strymaŭ śloz.
Paśla hetaha trunu ź Śviontakam zanieśli ŭ kaścioł, kab tam ź im mahli raźvitacca ŭsie achvočyja. Byŭ dasłany vianok ad Alaksandra Łukašenki, ale asabista kiraŭnik dziaržavy na raźvitańnie nie pryjechaŭ.
Pierad uvachodam u Katedru stali pasty śpiecnaza, jakija praviarali sumki kožnaha, chto pryjšoŭ na raźvitańnie z Kazimiram Śviontakam.
Kardynał Kazimir Śviontak pamior 21 lipienia ŭ Pinsku. Jon pražyŭ 96 hadoŭ. Kardynał stajaŭ la vytokaŭ adradžeńnia katalickaha kaścioła ŭ Biełarusi.
U 1941 hodzie saviety pryhavaryli maładoha śviatara Kazimira Śviontka da rasstrełu. Jon čakaŭ jaho dva miesiacy ŭ Bresckaj turmie. Ale pačałasia vajna, i prysud nie paśpieli vykanać.
Paśla vajny Śviontka adpravili na 10 hadoŭ u kancłahier. Paśla śmierci Stalina jon viarnuŭsia ŭ Biełaruś. Nie złamany, nie nadłomleny, nie azłobleny. Słužyŭ nie ŭ stalicy, navat nie ŭ abłasnym centry — u Pinsku. Adbudavaŭ tam sabor…
Karatkievič zachaplaŭsia budučym kardynałam. Kali Biełaruś stała niezaležnaj, jon uznačaliŭ biełaruski kaścioł i pry im jon staŭ sapraŭdy biełaruskim.
Pachavańnie kardynała adbudziecca 25 lipienia, a
