Jeŭrapiejski sajuz i Saviet Jeŭropy znoŭ zaklikali Biełaruś uvieści maratoryj ci admianić śmiarotnuju karu. Pra heta havorycca ŭ sumiesnaj dekłaracyi Viarchoŭnaha pradstaŭnika ES pa źniešniaj palitycy i palitycy biaśpieki Ketryn Eštan i Hienieralnaha sakratara Savieta Jeŭropy Turbjarna Jahłanda, pryniataj 10 kastryčnika, u Mižnarodny dzień suprać śmiarotnaj kary.
«My znoŭ asudžajem užyvańnie śmiarotnaj kary ŭ Biełarusi, jakaja źjaŭlajecca adzinaj krainaj u Jeŭropie, dzie ŭsio jašče ŭžyvajecca hety vid pakarańnia. My zaklikajem Biełaruś uvieści maratoryj na prymianieńnie śmiarotnaj kary ź jaje dalejšaj poŭnaj admienaj», — havorycca ŭ dekłaracyi.
Akramia taho, z zaklikam admianić śmiarotnuju karu ŭ Biełarusi vystupiła pravaabarončaja arhanizacyja «Mižnarodnaja amnistyja». Pavodle danych pravaabaroncaŭ, z 1991 hoda ŭ Biełarusi byli pakaranyja bolš za 400 čałaviek.
Nahadajem, admiena śmiarotnaj kary ci ŭviadzieńnie maratoryja na jaje ŭžyvańnie źjaŭlajecca hałoŭnaj umovaj viartańnia biełaruskamu parłamientu statusu śpiecyjalnaha zaprošanaha ŭ Parłamienckaj asamblei Savieta Jeŭropy.
