Sabaka čakaje haspadara la kramy ŭ Breście, bymedia.by
Zakonaprajekt «Ab abychodžańni z žyviołami» ŭžo prajšoŭ uzhadnieńnie ŭ dziaržaŭnych orhanaŭ. Miarkujecca, što adpaviedny zakon budzie pryniaty naleta. Parłamient budzie razhladać jaho ŭžo ŭviesnu. Z čym sutyknucca haspadary chatnich hadavancaŭ, kali dakumient narešcie ŭstupić u siłu?
Z žyviołami — tolki
Adno z samych radykalnych novaŭviadzieńniaŭ — kryminalnaja adkaznaść za žorstkaje abychodžańnie z žyviołami. Jano zakładziena ŭ zakanadaŭstvie mnohich krain, ale, naprykład, u susiedniaj Rasii za takoje parušeńnie mohuć pasadzić u turmu, tolki kali złačynstva ŭčyniła hrupa ludziej. U našaj krainie moža źjavicca adkaznaść i dla adnaho čałavieka.
Lišni rot
Treci sabaka ŭ chacie stanie lišnim i dla haradžan, i dla viaskoŭcaŭ. Kali pilnyja susiedzi naskardziacca na lišniaha čatyrochłapaha siabra, daviadziecca zapłacić da 175 tysiač rubloŭ i addać sabaku ŭ prytułak, dzie toj budzie dva tydni čakać novaha haspadara. Z katami pastupiać mienš stroha. U horadzie — taksama nie bolš za dva, ale ŭ vioscy — kolki zaŭhodna. Abmiežavańni nie datyčacca chamiakoŭ, čarapach, pacukoŭ i inšych pryručanych žyvioł.
A voś sabak «patencyjna niebiaśpiečnych parodaŭ» u haradskich kvaterach nielha budzie zavodzić uvohule. Śpis naličvaje 40 parodaŭ. Takija sabaki dažyvuć da svajoj śmierci, ale, kab mieć patomstva, musiać pierajechać u pryvatnyja damy.
Čypifikacyja ŭsioj krainy
Raspracoŭščyki zakonaprajekta spadziajucca, što ničyjnych žyvioł bolš nie budzie. Kožnamu hadavancu pad skuru budzie ŭviedzieny elektronny čyp, na jakim budzie zachavanaja, aproč inšaha, infarmacyja pra haspadara, jakaja trapić u mižnarodnuju bazu. Heta niebalučaja dla žyvioły pracedura kaštuje kala $5 robicca adnojčy ŭ žyćci.
Kali sabaka ci kot zhubiacca, haspadar budzie chutka znojdzieny i atrymaje žyviołu nazad. Varta pamiatać, što na praciahu sutak treba zajavić pra zhublenaha hadavanca, inačaj budzie ličycca, što jon vykinuty na vulicu. U takim vypadku haspadar zapłacić štraf da 1,5 miljona ci navat budzie aryštavany.
Nadakučyła žyvioła — adviadzi jaje na śmierć?
Abaroncy pravoŭ žyviołaŭ vitajuć stvareńnie zakona, ale pratestujuć suprać niekatorych jaho punktaŭ. Naprykład, haspadary, jakim nadakučyli ich hadavancy, atrymajuć prava źviartacca ŭ vieterynarnuju słužbu z prośbaj… zabić žyviołu. U stvareńni prajektu prymali ŭdzieł pradstaŭniki słužby adłovu i źniščeńnia žyviołaŭ, tamu abaroncy niepakojacca, što niekatoryja punkty zakona buduć dapamahać adłoŭščykam biespakarana zabivać žyviołaŭ.
Naprykład, kali vieterynary vyśvietlać, što złoŭlenyja sabaka ci kot chvarejuć na zaraznyja chvaroby, ich nie buduć lačyć, a adrazu zabjuć. Kali ž jany niachvoryja, ich musiać sterylizavać za košt arhanizacyi i praź dziesiać dzion adpuścić na svabodu. Ale ci nie budzie dla adłoŭščyŭ praściej prypisać sabaku chvarobu i źniščyć jaho, sumniajucca vałanciory HAAŽ «Ehida», jakija na praciahu hoda sprabavali źmianić sprečnyja farmuloŭki zakonaprajekta.
