Mienskaja prakuratura nakiravała ŭ Hienueski sud u spravach niepaŭnahadovych materyjały ŭłasnaha raśśledvańnia historyi kolišniaj vychavanki Vilejskaha internatu Viki Maroz. Minułym letam italjanskaja siamiejnaja para Džusta‑Barnačyn ciaham 20 dzion chavała biełaruskuju siratu ŭ Alpach i śćviardžała, što dziaŭčynka stała achviaraj fizyčnaha i seksualnaha hvałtu ŭ siabie na radzimie.
Pavodle italjanskich ŚMI, u svaich materyjałach biełaruski bok nibyta abvinavačvaje siamju z Kahaleta ŭ naŭmysnym padbuchtorvańni dziaŭčynki da chłuśni. U hetym biełaruskim psycholaham nibyta pryznałasia sama Vika Maroz.
Niahledziačy na toje, što materyjały, dasłanyja ź Miensku ŭ Hienueszki sud trymajucca ŭ sakrecie, jany ŭsio ž stali zdabytkam hałosnaści. Viadučyja italjanskija vydańni i telebačańnie pieradali interviju asobaŭ, jakija tak ci inakš majuć dačynieńnie da hetaj spravy. Najaŭnaść materyjałaŭ biełaruskaj prakuratury paćvierdziŭ žurnalistam aficyjny advakat biełaruskaj ambasady ŭ Rymie Dyjeha Perudžyni.
Jak piša viadučaje italjanskaje vydańnie La Repubblica, z hetych dakumentaŭ vynikaje, što Alesandra Džusta i Maryja Kjara Barnačyn prymušali maleńkuju Viku malavać karcinki pra hvałt, śviedčyć pra toje, što jaje hvałtavali ŭ internacie. Vika Maroz nibyta sama pryznałasia ŭ hetym biełaruskim psycholaham. Dziaŭčynka nibyta skazała, što, maŭlaŭ, Džusta‑Barnačyn havaryli joj: «Kali ty chočaš zastacca ŭ Italii, ty musiš tak śćviardžać».
Pavodle La Repubblica, biełaruskija pakazańni Viki Maroz istotna adroźnivajucca ad italjanskich. U hetym źviazku biełaruski bok stavić pad sumnieŭ ściardžeńni italjancaŭ pra šmatlikija ślady źbićcia na ciele dziaŭčynki. Nasamreč fizyčnaha i seksualnaha hvałtu ŭ dačynieńni da dziaŭčynki, pavodle biełarusaŭ, nikoli nie było.
Što da Alesandra Džusta dy Maryi Kjary Barnačyn, to jany z abureńniem sustreli ŭsie hetyja abvinavačańni. Ichnyja advakaty nazyvajuć vyvady mienskaj prakuratury całkam «niepraŭdapadobnymi» i zajaŭlajuć, što hetyja vyvady hruntujucca vyklučna na pakazańniach adnaho biełaruskaha dzicionka, jaki haściŭ u italjanskaj siamji Avada.
U Hienuezkim sudzie pa spravach niepaŭnaletnich pakul nia stali kamentavać materyjały raśledavańnia biełaruskaha boku.
