U niadzielu ŭ italjanskaj Anterselvie skončyŭsia čempijanat śvietu pa bijatlonie. Biełaruskaja zbornaja nie zavajavała na pieršynstvie nivodnaha medalu.
Najlepšy vynik byŭ pakazany žanočaj estafetnaj kamandaj u niadzielu – piataje miesca. U masstarcie našy dziaŭčaty navat nie zmahli dabiehčy da finišu.
Adnak asabliva «paradavali» našy mužčyny. Najlepšym ich vynikam było 25 miesca Alaksandra Symana ŭ honcy. Biełaruskaja estafetnaja kamanda ŭvohule ŭmudryłasia zaniać 20‑aje miesca z 21‑oj kamandy. Ciažka ŭjavić, ci było niešta padobnaje ŭ historyi biełaruskaha bijatlonu. Za śpinami biełarusaŭ akazalisia tolki brytanskija paŭamatary, jakija vystupajuć na čempijanacie za svoj košt. Biełaruski mužčynski bijatlon akazaŭsia nie hatovy da sychodu sa zbornaj veteranaŭ, jakija zdabyvali raniej pieramohi. Maładoj źmieny im nia vychavali, spartoŭcaŭ z Rasiei taksama nie atrymałasia zavieźci. Adsiul takija vyniki.
Vyhladaje na toje, što i ŭ nastupnyja hady čakać pieramoh ad našych bijatlanistaŭ nie vypadaje. Zaŭziatary žartujuć, što bolš realistyčna ciapier vieryć u zbornuju Biełarusi pa futbole, čym pa bijatlonie.
