U Mikałaja Ułasieviča praviali try pieratrusy. Abšukali jaho samoha, jahonaje aŭto i chatu.
Z mašyny kanfiskavali 116 biuleteniaŭ «Pravavaja dapamoha nasielnictvu», z chaty — 72 ulotki AHP «Za česnyja vybary biez Łukašenki».Apošni pieratrus skončyŭsia paśla hadziny nočy.
Pavodle Ułasieviča, jaho zatrymali ŭ Astraŭcy na vulicy i adrazu pradjavili abvinavačvańnie, što jon zajmaŭsia raspaŭsiudam ahitacyjnych ulotak.
Jaho dastavili ŭ pastarunak, dzie praviali asabisty vobšuk i pieratrus ŭ jahonym aŭto. Paśla hetaha nakiravalisia ŭ viosku Varniany, dzie žyvie Ŭłasievič, i praviali pieratrus u jahonaj chacie.
Na prośby Ułasieviča vydać jamu na ruki kopii ŭsich pastanoŭ ab praviadzieńni pieratrusaŭ, milicyjanty vydali tolki kopiju pratakołu asabistaha nadhladu. Ułasievič namierany abskardzić dziejańni supracoŭnikaŭ milicyi.
U hety ž dzień byŭ zatrymany ŭ Astraŭcy aktyvist AHP Ivan Kruk. U milicyi jaho abšukali, ale nie vypuskali da taho času pakul nia skončyli pieratrus u chacie Ułasieviča.
0
0
0
0
0
0
